Almaty oblysynda eki atom elektr stantsııasyn salý josparlanyp otyr

ASTANA. KAZINFORM — Almaty oblysynda eki AES-ti salý josparlanyp otyr. Bul týraly Atom energııasy jónindegi agenttiginiń tóraǵasy Almasadam Sátqalıev málim etti. 

— Atom salasy jónindegi memlekettik komıssııanyń otyrysy ótip, onda Qazaqstanda atom elektr stantsııasyn salýdyń ekinshi perspektıvalyq alańy anyqtaldy. Atom elektr stantsııasynyń kelesi orny da Almaty oblysynyń Jambyl aýdanynda. Bul rette elimizdiń ońtústiginde ekinshi stantsııa da ornalasady, óıtkeni ol jaqta tapshylyq bar. Qazir elektr energııasy «Soltústik-Ońtústik» tranzıttik jelisi arqyly qamtamasyz etilgen. Jańa stantsııalar energııamen jabdyqtaýdyń turaqtylyǵyn ornatady, — dedi Almasadam Sátqalıev Parlament Májilisindegi baspasóz máslıhatynda.

Ol qazirgi ýaqytta stantsııany salýda áleýeti joǵary kompanııalarmen tıisti kelissóz júrip jatqanyn aıtty.

— Qytaılyq CNNC kompanııasyna qatysty túpkilikti sheshim qabyldanǵan joq. Degenmen, biz ony basym merdiger retinde qarastyryp jatyrmyz, — dedi agenttik basshysy. 

Aıta ketelik eldegi alǵashqy AES ataýyna qatysty 20 myńnan astam usynys joldanǵany týraly jazǵan edik.