Almaty oblysynda eki ákim jaýapqa tartyldy

Almaty oblysynda eki aýyldyq okrýg ákimi sybaılas jemqorlyqqa qarsy sharalardy qabyldamaǵany úshin jaýapqa tartyldy, dep habarlaıdy QazAqparat tilshisi.

Sybaılas jemqorlyqqa qarsy qyzmet baspasóz qyzmetiniń málimetinshe, monıtorıng barysynda jumysqa qabyldaý kezinde sybaılas jemqorlyqqa qarsy zańnamany buzý faktileri anyqtalǵan.

«Monıtorıng barysynda Jambyl aýdanynyń Uzynaǵash jáne Matybulaq aýyldyq okrýgteriniń ákimderi B.R. Beısenbekov pen T. B. Mýqeev aktıvter men mindettemeler týraly deklaratsııalardy usynbaǵan mamandardy jumysqa qabyldaǵany anyqtaldy. Saldarynan ákimder QR ÁQBtK-niń 680-baby («Memlekettik organdar basshylarynyń sybaılas jemqorlyqqa qarsy is-qımyl jónindegi sharalardy qabyldamaýy») boıynsha ákimshilik jaýapkershilikke tartyldy»,- dep habarlady QR Sybaılas jemqorlyqqa qarsy is-qımyl agenttiginiń Almaty oblysy boıynsha departamentiniń baspasóz qyzmeti.

Іsti qaraý barysynda ekeýi de kinásin tolyq moıyndady. Aýyl ákimderi 50 aılyq eseptik kórsetkish (AEK) kóleminde aıyppul tóledi.