Almaty oblysynda drondar jol erejesin buzýdyń 400-ge jýyq deregin tirkedi
QONAEV. KAZINFORM – Almaty oblysynda jol qozǵalysy erejeleriniń saqtalýyn baqylaý maqsatynda ushqyshsyz ushý apparattary paıdalanylyp jatyr.
Oblystyq polıtsııa departamentiniń málimetinshe, jyl basynan beri ushqyshsyz ushý apparattarynyń kómegimen jol erejesin buzýdyń 376 deregi anyqtalǵan.
Eń jıi tirkelgen quqyq buzýshylyqtardyń qatarynda qarsy baǵyttaǵy jolaqqa shyǵý, qıylystardan ótý qaǵıdalaryn buzý, jol belgileri men tańbalarynyń talaptaryn saqtamaý, kólik quraldaryn toqtatý nemese turaqqa qoıý qaǵıdalaryn buzý, sondaı-aq jaıaý júrginshiler men ózge de jol qozǵalysyna qatysýshylardyń jol júrý qaǵıdalaryn buzýy bar.
– Ushqyshsyz ushý apparattaryn paıdalaný jol-kólik oqıǵalary jıi bolatyn ýchaskelerde quqyq buzýshylyqtardy anyqtaýǵa, obektıvti baqylaýdy qamtamasyz etýge jáne júrgizýshilerdiń qaýipti áreketterine jedel den qoıýǵa múmkindik beredi. Bul baǵyttaǵy jumys jalǵasady, óıtkeni basty mindet – joldardaǵy qaýipsizdikti qamtamasyz etý, apattylyqtyń aldyn alý jáne azamattardyń ómiri men densaýlyǵyn saqtaý, - dedi Almaty oblysy polıtsııa departamentiniń bastyǵy Meıram Ábikeev.
Eske salaıyq, bıyl naýryz aıynda Almaty kameralary kólikte telefon ustaýdyń 1 myńnan astam deregin tirkegen.
