Almaty oblysynda «Dog House» panajaı ıesiniń ólimine baılanysty kúdikti ustaldy
QONAEV. KAZINFORM — Almaty oblysynda zooqorǵaýshy Vladımır Teplıakov ólimine baılanysty kúdikti ustaldy.
Oblystyq polıtsııa departamentiniń málimetinshe, bıyl 7 qazanda er adamdy óltirý deregi boıynsha qylmystyq is qozǵaldy. Jedel-izdestirý is-sharalary barysynda kúdikti anyqtalyp, dereý ustalǵan.
— Qazirgi ýaqytta ol qamaýǵa alyndy. Tergeý aıasynda ustalǵan adamnyń jasalǵan adam óltirý qylmysyna qatystylyǵy tekserilip jatyr, sondaı-aq qylmystyq isti tolyq, jan-jaqty ári obektıvti zertteý maqsatynda oqıǵanyń barlyq mán-jaıy anyqtalyp jatyr. QR QPK-niń 201-babyna sáıkes ózge aqparat jarııa etýge jatpaıdy, — dep habarlady polıtsııadan.
Tergeý barysy Almaty oblysy Polıtsııa departamenti basshylyǵynyń baqylaýynda.
Eske salaıyq, Almaty oblysynda «Dog House — Tvardovskıı dom» ıesiz janýarlar panajaıynyń negizin qalaýshy Vladımır Teplıakov kisi qolynan qaza tapty.
Keıin 90 ıt mekendeıtin «Dog House» panajaıynyń bolashaǵy ne bolatynyn jazǵanbyz.
