Almaty oblysynda daýyl kezinde aǵash qulap, er adam mert boldy

QONAEV.KAZINFORM -  7 sáýir kúni Shamalǵan aýylynyń mańynda qatty jelden aǵash 46 jastaǵy er adamnyń ústine qulaǵan. 

Almaty oblysy Polıtsııa departamentiniń málimetinshe, ol oqıǵa ornynda qaza tapty.

— Atalǵan fakti boıynsha polıtsııa qyzmetkerleri men ýákiletti organdardyń qatysýymen jan-jaqty tekserý júrgizilip jatyr. Azamattardy qolaısyz aýa raıy jaǵdaıynda qaýipsizdik sharalaryn saqtaýǵa jáne tótenshe qyzmetterdiń nusqaýlaryn oryndaýǵa shaqyramyz, — dep habarlady departamentten.

Eske salaıyq, keshe Almaty daýyl saldarynan 28 aǵash qulap, 3 shatyr ushqanyn jazǵanbyz.

Sondaı-aq daýyl saldarynan Almaty botanıkalyq baǵy birneshe kúnge jabyldy.