Almaty oblysynda daǵdarys ortalyqtarynan 53 áıel men 159 bala kómek aldy
QONAEV. KAZINFORM — Almaty oblysynda jyl basynan beri turmystyq zorlyq-zombylyqqa qatysty 3943 qylmys tirkelgen. Bul týraly Almaty oblysynyń óńirlik kommýnıkatsııalar qyzmetiniń alańynda aıtyldy.
Qonaev qalalyq polıtsııa basqarmasynyń áıelderdi zorlyq-zombylyqtan qorǵaý tobynyń ınspektory Gúlmıra Tanybergenqyzynyń aıtýynsha, polıtsııa qyzmetkerleri daǵdarys ortalyqtarymen birlese jumys isteıdi. Oblysta tórt daǵdarys ortalyǵy bar, olar arqyly bıyl 212 adam, onyń ishinde 53 áıel jáne 159 bala kómek aldy.
Al Almaty oblysynyń áıelder isteri jáne otbasylyq-demografııalyq saıasat jónindegi komıssııasynyń hatshysy Nurhan Abdrahmanov jábirlenýshiniń aryzy bolmasa da qazirgi ýaqytta zorlyq-zombylyqqa qatysty is qozǵalatynyn atap ótti.
«Endi turmystyq zorlyq-zombylyqqa qatysty is qozǵaý úshin jábirlenýshiniń aryzynyń bolýy mindetti emes. Bul qadam zorlyq-zombylyqty erterek anyqtap, qurbandarǵa ýaqytyly kómek kórsetýge múmkindik beredi», — dedi ol.
Eske salaıyq, buǵan deıin Almatyda bıyl áıelderge qatysty 7 myń qylmys tirkelgenin jazǵanbyz.