21:23, 06 Shilde 2025 | GMT +5
Almaty oblysynda burynǵy polıtsııa qyzmetkeri 6 jasar balany qaǵyp, qashyp ketken
QONAEV. KAZINFORM – Almaty oblysynda jol-kólik oqıǵasy saldarynan bala zardap shekti.
Oblystyq polıtsııa departamentiniń málimetinshe, Kókózek aýylynda 6 jasar balany kólik qaǵyp, ol aýrýhanaǵa jetkizilgen. Al júrgizýshi oqıǵa ornynan ketip qalǵan. Jedel izdestirý sharalary barysynda Lexus RX 300 kóliginiń 42 jastaǵy júrgizýshisi ustaldy.
- Kúdikti ýaqytsha ustaý ızolıatoryna qamaldy. Atalǵan azamat polıtsııa qyzmetkeri emes, ol buryn (apat bolǵanǵa deıin) teris sebeptermen jumystan bosatylǵan. Osy oqıǵa boıynsha birqatar tergeý amaldary júrgizilip jatyr, - dep habarlady polıtsııadan.
Eske salaıyq, buǵan deıin Almaty áýejaıynda júrgizýshi polıtsııa qyzmetkerin kóligimen súıregenin jazǵanbyz.