Almaty oblysynda birneshe aı boıy stalkıng jasaǵan er adam jazalandy

QONAEV. KAZINFORM — Almaty oblysynyń polıtsııasy stalkıng jasaǵan er adamdy ustady.

Oblystyq polıtsııa departamentiniń málimetinshe, bıyl 13 aqpanda Eńbekshiqazaq aýdanynyń polıtsııasyna 31 jastaǵy áıel júgingen. Onyń aıtýynsha, 2025 jyldyń kúzinen bastap er adam ony júıeli túrde qýdalap, qońyraý shalyp, habarlamalar jibergen ári qorqytý sıpatyndaǵy sózder aıtqan.

Atalǵan derek boıynsha polıtsııa Qazaqstan Respýblıkasy Qylmystyq kodeksiniń 115-1-baby («Stalkıng») boıynsha materıaldar tirkelgen. Jedel-izdestirý sharalary barysynda 35 jastaǵy kúdikti ustaldy. Ol óz kinásin tolyq moıyndaǵan.

— Tergeý bólimshesiniń úılesimdi ári kásibı jumysynyń nátıjesinde qylmystyq is qysqa merzimde — 2 saǵat 35 mınýt ishinde aıaqtalyp, sotqa joldandy. Sot talqylaýynyń qorytyndysy boıynsha kúdikti kináli dep tanylyp, 60 saǵat qoǵamdyq jumysqa tartý jazasyna kesildi, — dep habarlady polıtsııadan.

Eske salaıyq, buǵan deıin Almatyda burynǵy áıeline stalkıng jasaǵan er adam jazalandy.