Almaty oblysynda top bolyp er adamǵa shabýyl jasap, kóligine oq atqandar ustaldy
QONAEV. KAZINFORM — Almaty oblysynyń Іle aýdanynda úsh er adam bir adamǵa shabýyl jasap, kólikke oq atqany týraly aqparat tarady. Polıtsııa qylmystyq is qozǵaǵan.
Oqıǵa 14 qazan Іle aýdanynyń Qosózen aýylynda bolǵan.
Jelide kóliktegi oq izderiniń vıdeosy tarady. Vıdeo avtorynyń aıtýynsha, bir adamǵa birneshe er adam shabýyldaǵan.
Almaty oblysynyń polıtsııasy buzaqylyq áreketi boıynsha qylmystyq is qozǵalǵanyn málimdedi.
— Tergeý nátıjesinde qaqtyǵystyń barlyq qatysýshysy birneshe saǵat ishinde ustalyp, ýaqytsha ustaý ızolıatoryna qamaldy. Qazir bul qylmystyq ister boıynsha sotqa deıingi tergeý júrgizilip jatyr. Oqıǵanyń barlyq mán-jaıy anyqtalyp, árbir qatysýshynyń áreketterine tıisti quqyqtyq baǵa beriledi, — dep málimdedi Almaty oblystyq polıtsııa departamenti.
Eske salsaq, Almatyda es-tússiz kúıdegi er adamdy páterinen kóterip áketken edi.
Keıin polıtsııa adam ólimi boıynsha tórt kúdiktiniń ustalǵanyn málimdedi.
