Almaty oblysynda bir aýyldyń turǵyndary alkogoldik ishimdikten bas tartty
QONAEV. KAZINFORM - Almaty oblysynyń Іle aýdanyna qarasty Aqshı aýylynda «Araqsyz aýyl» jobasy júzege asa bastady. Bul týraly Almaty oblysy Polıtsııa departamentiniń bastyǵy Baýyrjan Alenov Instagram paraqshasynda jazdy.
Baýyrjan Alenovtyń málimetinshe, ıgi isti aýyldyń ardagerler men analar keńesi músheleri jáne Polıtsııa basqarmasy birlesip qolǵa alǵan. Aýyldyń kásipkerleri de qarsy bolmaǵan.
«Elimiz boıynsha jasalǵan qylmystyń úshten biri aşy sý saldarynan bolǵan. Aqshı aýylynda 7 myńǵa jýyq halyq turady, 16 dúken tolyqtaı araq satýdan bas tartty. Bul bastama aýyl boıynsha qoǵamdyq tártiptiń saqtalýyna oń áserin tıgızetine senimdimin. Almaty oblysy turǵyndaryn «Araqsyz aýyl» jobasyn qoldaýǵa shaqyramyn», - dep jazdy Baýyrjan Alenov.
Eske salsaq, Qazaqstanda alkogoldik ishimdikten bas tartqan aýyldar týraly jazǵanbyz.
