Almaty oblysynda bir adamdy jabylyp urǵan kúdiktiler izdestirilip jatyr
QONAEV. KAZINFORM - Almaty oblysynyń polıtsııasy kúdiktierdi izdestirip jatyr.
Janjaldyń beınejazbasy áleýmettik jelide tarady. Onda úsh jigittiń bir adamdy jabylyp urǵanyn kórýge bolady.
Almaty oblysy polıtsııa departamentiniń málimetinshe, oqıǵa 27 sáýir kúni tańerteń Besaǵash aýylyndaǵy «Nurııa» turǵyn úı kesheniniń aýmaǵynda bolǵany anyqtaldy. Bul jaǵdaı boıynsha polıtsııaǵa azamattardan aryz nemese habarlama túspegen.
- Atalǵan derek boıynsha qylmystyq is qozǵalyp, qazirgi ýaqytta sotqa deıingi tergeý amaldary júrgizilip jatyr. Qazirgi tańda kóshedegi janjalǵa qatysqan barlyq tulǵalardy anyqtaý jáne ustaý boıynsha sharalar qabyldandy. Kúdiktiler qoldanystaǵy zańnamaǵa sáıkes qatań jaýapkershilikke tartylady, - dep habarlady departamentten.
Eske salaıyq, byltyr Talǵarda bolǵan janjal saldarynan 16 jastaǵy Sherzat Polat mert boldy.
Qazir Sherzat isi boıynsha sot otyrysy ótip jatyr.