Almaty oblysynda bolǵan qar kóshkini kezinde eshkim zardap shekpedi — TJD

ASTANA. KAZINFORM – Qar kóshkini «Túrgen aýyly — Batan shatqaly» baǵytyndaǵy avtojoldyń bir bóligin japqanymen, kólik qozǵalysy úshin jol ashyq. Bul týraly Almaty oblysy TJD baspasóz qyzmeti habarlady.

—  23 naýryz kúni saǵat 08:28–de Eńbekshiqazaq aýdany aýmaǵyndaǵy oblystyq mańyzdaǵy «Túrgen aýyly — Batan shatqaly» avtojolynyń 23,5 jáne 18 shaqyrymdarynda qar jamylǵysynyń turaqsyzdyǵy men taýly betkeılerde qardyń mol jınalýyna baılanysty ózdiginen qar kóshkini boldy, — delingen Almaty oblysy TJD baspasóz qyzmeti habarlamasynda.

Kóshkin parametrleri:
• 23,5 shaqyrym: uzyndyǵy — 6 m, eni — 5 m, ortasha bıiktigi — 0,5 m. Kóshkin kólemi — 15 m³.
• 18 shaqyrym: uzyndyǵy — 15 m, eni — 2,5 m, ortasha bıiktigi — 0,5 m. Kóshkin kólemi — 18,5 m³.
• Jalpy qar kóshkininiń kólemi — 33,5 m³.

— Oqıǵa saldarynan zardap shekkender men qıraýlar joq. Qar kóshkini «Túrgen aýyly — Batan shatqaly» baǵytyndaǵy avtojoldyń bir bóligin japqanymen, kólik qozǵalysy úshin jol ashyq, — delingen habarlamada.

Atalǵan avtojol oblystyq mańyzǵa ıe bolǵandyqtan, joldy qardan tazartý jumystaryn jergilikti atqarýshy organdar júrgizetin bolady.

Oqıǵa ornyna Almaty oblysy TJD-nen 1 qyzmetker jáne 1 tehnıka, «Qazselqorǵaý» MM-nen 1 qyzmetker jáne 1 tehnıka shyqty.

Almaty oblysynyń «Jolaýshylar kóligi jáne avtomobıl joldary basqarmasy» hatyna sáıkes, 2024 jylǵy 15 qarashadan 2025 jylǵy 31 naýryzǵa deıin «Túrgen — Batan — Asy observatorııasy» oblystyq mańyzdaǵy avtojolynyń 15-41 shaqyrym aralyǵy kólik qozǵalysy úshin jabyq. 

Aıta ketelik Almaty oblysynda qar kóshkini júrip, joldy jaýyp qalǵan edi.