Almaty oblysynda bilim berý uıymy basshylary 134 mln teńgeden asa bıýdjet qarajatyn jymqyrǵan

QONAEV. KAZINFORM - Almaty oblysy boıynsha sybaılas jemqorlyqqa qarsy qyzmet Іle aýdanynyń 7 jekemenshik mektepke deıingi bilim berý uıymdarynyń basshylaryna qatysty alaıaqtyq faktisi boıynsha sotqa deıingi tergeýdi aıaqtady.

Vedomstvonyń málimetinshe, olar 2023 jyldyń qańtar-mamyr aılary aralyǵynda memlekettik bilim berý tapsyrysy aıasynda jalǵan oryndalǵan jumystar aktilerin berý arqyly jalpy somasy 134 mln teńgeden asa iri kólemde bıýdjet qarajatyn jymqyrdy dep aıyptaldy.

«Sotqa deıingi tergeýmen atalǵan mektepke deıingi uıymdardyń is júzinde tek qujattar boıynsha bar ekeni anyqtaldy. Qylmystyq is materıaldary oblystyq prokýratýramen sotqa joldandy», - delinedi habarlamada.

Sondaı-aq, jeke óndirispen «QR DSM SEBK Almaty oblysynyń SEBD Іle aýdandyq sanıtarııalyq-epıdemıologııalyq baqylaý basqarmasy» RMM 4 laýazymdy tulǵasyna qatysty sotqa deıingi tergeý aıaqtaldy.

«Joǵaryda atalǵan mekemeniń mamandary is júzinde jumys istemeıtin balabaqshalardyń basshylaryna memlekettik bilim berý tapsyrysyn alýǵa negiz bolǵan jalǵan qorytyndylar berdi. Qazirgi ýaqytta aıyptalýshylar sotqa tartyldy», - dep habarlady vedomstvodan.