Almaty oblysynda bıyl jol apatynan 47 adam kóz jumdy

QONAEV. KAZINFORM - Almaty oblysynyń Polıtsııa departamenti jaıaý júrginshilerdi jol erejelerin saqtaýǵa shaqyrdy.

Oblystyq polıtsııa málimetinshe, osy jyldyń 11 aıynda jaıaý júrginshiler 806 jol-kólik oqıǵasyna ushyraǵan. Onda 1022 adam jaraqat alyp, 47 adam mert bolǵan.

- Basty ereje - joldy belgilengen jerden kesip ótý qajet. Bul jol apatyna tap bolýdyń qaýpin azaıtady. Qarańǵy túskende jaryq shaǵylystyratyn elementterdi qoldaný qajet. Bul kólik júrgizýshilerine jaıaý júrginshilerdi baıqaýǵa múmkindik beredi, - dep habarlady departamentten.

Eske salaıyq, buǵan deıin Almaty oblysynda belgilenbegen jerden ótken jaıaý júrginshi jol apatynan mert bolǵanyn jazǵanbyz.

Birneshe kúnnen keıin dál osyndaı sebeppen «Almaty-Óskemen» avtojolynda jaıaý júrginshi mert boldy.