Almaty oblysynda bıyl qansha shaqyrym jol jóndeledi
QONAEV. KAZINFORM – Almaty oblysynda aýdan joldaryn jóndeýge bıyl 25 mlrd teńge bólindi.
Almaty oblysy jolaýshy kóligi jáne avtomobıl joldary basqarmasynyń málimetinshe, óńirde avtomobıl joldarynyń uzyndyǵy - 5 730 km. Onyń ishinde: respýblıkalyq mańyzy bar joldar – 1734 shaqyrym, oblystyq mańyzy bar joldar – 3468 shaqyrym, al aýdandyq joldar – 528 shaqyrym.
Vedomstvo 2025 jyly 279 km respýblıalyq mańyzy bar jol, 178,1 km oblystyq mańyzy bar jol jáne 472 km kóshe jóndeýden ótkenin atap ótti. Óńirde jol-ınfraqurylymyn damytýǵa baǵyttalǵan jumys bıyl da jalǵasady. 2026 jyly uzyndyǵy 16,2 shaqyrym bolatyn jańa avtomobıl joldaryn salý josparlanǵan.
- Onyń ishinde 8,1 shaqyrym jol Balqash aýdany Baqanas aýylynyń Severo-Zapad kóshesinde, sondaı-aq Eńbekshiqazaq aýdany Shelek aýylynyń Ábdikárimov, Jibek joly, Abaı, Malaı batyr jáne B.Momyshuly kóshelerinde salý kózdelgen, - delingen basqarma jaýabynda.
Jol jóndeýge qansha qarajat bólindi
2026 jyly oblys aýmaǵynda respýblıkalyq mańyzy bar 151 shaqyrym avtomobıl jolyn, oblystyq mańyzy bar 62,2 shaqyrym avtomobıl jolyn, sondaı-aq 588,03 shaqyrym aýdandyq kóshe-jol jelilerin jóndeý josparlanǵan.
Aýdandar bólinisinde:
- Balqash aýdany – 26,31 shaqyrym;
- Eńbekshiqazaq aýdany – 86,7 shaqyrym;
- Jambyl aýdany – 80,23 shaqyrym;
- Іle aýdany – 65,04 shaqyrym;
- Talǵar aýdany – 60,74 shaqyrym;
- Qarasaı aýdany – 59,22 shaqyrym;
- Kegen aýdany – 66,3 shaqyrym;
- Raıymbek aýdany – 69,19 shaqyrym;
- Uıǵyr aýdany – 30,1 shaqyrym;
- Qonaev qalasy – 23,8 shaqyrym;
- Alataý qalasy – 20,40 shaqyrym.
- 2026 jyly jol ınfraqurylymyn damytý maqsatynda oblystyq mańyzy bar avtomobıl joldaryna jergilikti bıýdjetten 23,4 mlrd teńge bólindi. Kúrdeli jóndeý jumystaryna – 5,6 mlrd teńge, ortasha jóndeý jumystaryna – 8 mlrd teńge, kútip-ustaý jumystaryna – 6,2 mlrd teńge, aýdandyq jol bólimderine beriletin transfertterge 3,6 mlrd teńge jumsaý kózdelgen, - dep habarlady vedomstvo.
Al aýdandyq mańyzy bar kóshe-jol jelilerin damytýǵa 25,5 mlrd teńge qarastyrylǵan.
Eske salaıyq, buǵan deıin Almatyda bıyl qansha shaqyrym jańa jol salynatynyn jazǵanbyz.