Almaty oblysynda bıyl 800-den astam turǵyn ınternet-alaıaqtarǵa aldanǵan

QONAEV. KAZINFORM – Almaty oblysynda ınternet-alaıaqtyqtan 800-den asa adam zardap shekti. Bul týraly Óńirlik kommýnıkatsııalar qyzmetiniń alańynda oblystyq Polıtsııa departamentiniń Krımınaldyq polıtsııa basqarmasy bastyǵynyń orynbasary, polıtsııa maıory Nurjan Keńeshanuly málimdedi.

Onyń aıtýynsha, jyl basynan beri oblys boıynsha 819 ınternet-alaıaqtyq faktisi tirkelgen. Bul ótken jylmen salystyrǵanda 35,6%-ǵa joǵary. Qazirgi ýaqytta 110 qylmystyq is aıaqtalyp, 83 is sotqa jiberildi. Quqyq qorǵaý organdary jábirlenýshilerge 10 864 000 teńge qaıtarǵan.

«Jyl basynan beri osyndaı 5 jedel-profılaktıkalyq is-shara ótkizildi. Sońǵy tekserýler barysynda Qonaev qalasy men Іle jáne Qarasaı aýdandarynda zańsyz temeki jáne elektrondy temeki (veıpter) aınalymynyń úsh faktisi anyqtaldy», – dedi Nurjan Keńeshanuly.

Eske salaıyq, Almaty oblysynda ózen boıynan áıeldiń máıiti tabylǵan bolatyn.