Almaty oblysynda bıyl 80 myń gektarǵa jýyq jer memleketke qaıtaryldy

QONAEV. KAZINFORM - Almaty oblysynda tıisti maqsatta paıdalanylmaı jatqan jerler memleket menshigine qaıtaryldy.

Jyl basynan beri Almaty oblysynda memleket menshigine 79,7 myń ga jer qaıtarylǵan. Onyń ishinde sot arqyly 32,2 myń ga jer alańy, óz erkimen jáne basqa joldarmen 47,5 myń ga jer memleket basqarýyna berilgen. Sondaı-aq, búgingi kúni 20,5 ga bolatyn 60 jer ýchaskesine qatysty is sotta qaralyp jatyr.

- Jerdi qaıtarý jáne onyń maqsatty paıdalanylýyn baqylaý sharalary jalǵasyp jatyr, - dep habarlady Almaty oblysynyń ákimdigi.

Eske salaıyq, buǵan deıin Almaty oblysynda paıdalanylmaı jatqan 272 jer telimi memleketke qaıtarylǵanyn jazǵanbyz.

Sonymen qatar, Jetisý oblysynda 221 gektar jer memleket qoryna qaıtarylǵanyn jazǵan edik.