Almaty oblysynda bıyl 6 tonna esirtki tárkilendi

QONAEV. KAZINFORM – Almaty oblysynyń polıtsııa departamenti esirtkige qarsy kúres jumystarynyń 9 aı ishindegi qorytyndysyn jarııalady.

– Bıyl 9 aıdyń ishinde oblys aýmaǵynda 167 esirtkige qatysty quqyqbuzýshylyq anyqtaldy. Zańsyz aınalymnan 6 tonnadan astam esirtki zaty alyndy, onyń ishinde sıntetıkalyq túrleri de bar. Oblys polıtsııasy esirtki qylmystaryna qarsy is-qımyldy kúsheıtti. 101 aktsııa ótkizilip, 800 zańsyz jazý joıyldy, 600-den astam eriktiler jumyldyryldy. Mektepter men kolledjderde 330 dáris ótip, beınematerıaldar kórsetilip, aqparattyq paraqshalar taratyldy, - dep habarlady departamentten.

Sondaı-aq «Kıbernadzor» júıesi arqyly esirtki satýdy nasıhattaıtyn 1780 saıt buǵattaldy. Al «Antıfrod-ortalyǵy» arqyly 1333 bank kartasy men júzdegen sheteldik shot pen krıptoámııan anyqtalǵan.

Eske salaıyq, polıtsııa ınternet-alaıaqtyqtyń jańa túri týraly eskertti.