Almaty oblysynda belgisiz adam sý jiberetin shlıýzdy ashyp jibergen
QONAEV. KAZINFORM — Almaty oblystyq Tótenshe jaǵdaılar departamenti men ákimdik qyzmetkerleri bir aýyldyń sý basý qaýpin joıdy.
Vedomstvodan atap ótkendeı, búgin Qarasaı aýdany Kólashy aýylynda sharýashylyq qajettilikteri úshin paıdalanatyn kanaldyń shlıýzyn belgisiz adam ashyp jibergen.
— Saldarynan tórt aýlany sý basty. Bul aýla aýmaqtary eldi mekennen tys jerlerde aýyl sharýashylyǵy alqaptarynda retsiz salynǵan. Oqıǵa ornynda Tótenshe jaǵdaılar departamentiniń 7 qyzmetkeri, 2 tehnıka jáne 2 motopompa, jergilikti atqarýshy organynan 3 adam men 1 tehnıka jumyldyryldy, - dep atap ótti vedomstvodan.
Qarasaı aýdany polıtsııa basqarmasynyń qyzmetkerleri shlıýz ashqan belgisiz adamdy izdestirip jatyr.
Eske salaıyq, Almaty oblysynyń bes aýdany sý basý qaýpi joǵary aımaqqa jatady.