Almaty oblysynda bastaýysh synyp oqýshylaryna merzimi ótken ıogýrt bergen
Almaty oblysynda ornalasqan mektepterdiń biriniń ashanasynda bastaýysh synyp oqýshylaryna merzimi ótken ıogýrt taratqan, dep habarlaıdy QazAqparat tilshisi.
Bul aqparat áleýmettik jelide paıda boldy.
«Memleket esebinen tegin tamaqtandyrýǵa jatatyn mektep ashanasynda bastaýysh synyp oqýshylaryna eki jyl burynǵy ıogýrttardy taratqan. Qaptamada jaramdylyq merzimi 2021 jyl dep kórsetilgen. Merzimi ótken sút ónimderi óte qaýipti. Mundaı ónimdi mektepke jetkizýge kim ruqsat berdi? Azyq-túliktiń merdiger ókili mundaıǵa qalaı jol berdi?» dep jazady jeli qoldanýshy.
Qarasaı aýdandyq bilim basqarmasy shuǵyl jumys toby qurylyp, Oraz Jandosov orta mektebiniń ashanasy tekserilgenin málimdedi.
«Tekserý qorytyndysy boıynsha tamaqtaný sapasyna monıtorıng júrgizý aktisi toltyryldy. „Rastıshka“ súzbeshesi, „Aınalaıyn“ sút óniminiń de merzimi ótkeni anyqtalyp, qoldanýǵa tyıym salyndy. Mektep dırektory tártiptik jaýapkershilikke tartyldy. Jeke kásipkerge habarlama jiberilip, ashana jumysy qatań baqylaýǵa alyndy», — dep habarlady Qarasaı aýdandyq bilim basqarmasynan.
