Almaty oblysynda barymtamen aınalysqan qylmystyq top ustaldy
ALMATY. KAZINFORM – Almaty oblysy Eńbekshiqazaq aýdanynda aldyn ala sóz baılasýymen jasalǵan mal urlyǵynyń birqatar deregi ashyldy.
Oblystyq polıtsııa departamentiniń málimetinshe, jedel-izdestirý sharalary barysynda Aqshı aýylynyń 20–25 jas aralyǵyndaǵy tórt turǵyny ustaldy.
Tintý júrgizý kezinde Aqshı aýylynyń úıleriniń birinen ańshylyq qarý jáne bólshektelgen jylqynyń etteri tabylyp, tárkilendi. Aıǵaq zattar qylmystyq istiń materıaldaryna tirkelip, et zańdy ıesine qaıtarylǵan.
– Olar úı janýarlaryn zańsyz atyp, keıin olardy bólshekteý jáne qylmysty jasyrý maqsatynda etin áketý áreketterin jasady degen kúdikke ilindi. Tergeý barysynda atalǵan zańsyz áreketter jergilikti turǵyndar arasynda keń qoǵamdyq rezonans týdyrǵany anyqtaldy. Atalǵan qylmystyq isti tergeý barysy Almaty oblysy polıtsııa departamenti basshylyǵynyń erekshe baqylaýynda. Sotqa deıingi tergep-tekserý jalǵasyp jatyr, - dep habarlady departamentten.
Eske salaıyq, buǵan deıin Qyzylordada barymtashylar maldy soıyp jatqan jerinen qolǵa túsken.