Almaty oblysynda bank aýdarymdary arqyly hat jazǵan stalker ustaldy
QONAEV. KAZINFORM — Almaty oblysynyń Qarasaı aýdandyq soty Qylmystyq kodekstiń 115-1-baby (stalkıng) boıynsha aıyptalýshyǵa qatysty qylmystyq isti qarady.
Sot málimetinshe, aıyptalýshy 2025 jyldyń qyrkúıek aıynan bastap jábirlenýshini erkine qarsy qýdalaǵan. Ol birneshe ret qońyraý shalyp, WhatsApp jáne Telegram messendjerleri arqyly habarlamalar jibergen. Jábirlenýshi ony buǵattaǵannan keıin de baılanys ornatý áreketterin jalǵastyrǵan. Kaspi.kz qosymshasy arqyly jábirlenýshiniń shotyna az mólsherde aqsha aýdaryp, aýdarym kezinde mátindik habarlamalar jazǵan.
— Júıeli qýdalaý saldarynan jábirlenýshi turaqty úreı men qorqynysh sezimin bastan keshirgen, uıqysy buzylyp, psıhıkalyq jaı-kúıine eleýli zııan kelip, qalypty ómir salty ózgergen. Іs materıaldaryn zerttep, sot aıyptalýshyny QK-niń 115-1-baby boıynsha kináli dep tanyp, oǵan 25 táýlikke qamaýǵa alý jazasyn taǵaıyndady, — dep habarlady oblystyq sot.
Eske salaıyq, buǵan deıin Eńbekshiqazaq aýdanynyń polıtsııasy 31 jastaǵy áıeldiń aryzy negizinde stalkıng jasaǵan er adamdy ustady.