Almaty oblysynda balasyn satpaq bolǵan sheteldik áıel ustaldy
Almaty oblysynda qursaqtaǵy balasyn satpaq bolǵan 24 jastaǵy sheteldik áıel ustady, dep habarlaıdy Kazinform.
Almaty oblystyq polıtsııa departamentiniń bastyǵy Baýyrjan Álenovtyń aıtýynsha, uıymdasqan qylmysqa qarsy kúres basqarmasynyń qyzmetkerleri Qarasaı aýdanynda kórshi memlekettiń azamatshasyn ustady.
Onyń áleýmettik jelide júktiliktiń jetinshi aıyndaǵy týmaǵan balasyn satý týraly habarlandyrý jarııalaǵany anyqtaldy.
«Atalǵan derek QR Qylmystyq Kodeksi 135-babynyń 1-bóligi boıynsha Qarasaı aýdany polıtsııa basqarmasynda tirkeldi. Qazirgi ýaqytta kúdiktige qatysty tergeýdiń jan-jaqtylyǵyn, tolyqtyǵyn jáne obektıvtiligin qamtamasyz etý maqsatynda saraptama taǵaıyndalyp, tergeý-jedel is-sharalary júrgizilýde»,- dedi Baýyrjan Álenov.
Zańnamada belgilengen tártippen ustalǵan áıel aýdandyq polıtsııanyń ýaqytsha ustaý ızolıatoryna qamaýǵa alyndy.
QR QІJK-niń 201-baby sheńberinde ózge aqparat jarııa etýge jatpaıdy.
