Talǵarda oqýshyny qorlaǵan muǵalimniń ústinen qylmystyq is qozǵaldy
Áleýmettik jelide Almaty oblysy Talǵar qalasyndaǵy mektepterdiń birinde balaǵa dóreki minez kórsetken muǵalimniń vıdeosy tarady, dep habarlaıdy Kazinform.
Vıdeoǵa sensek, Talǵar qalasynda balalardyń ata-analary jeke mekteptiń ústinen shaǵymdanǵan. Olar oqý ornynda balalarǵa fızıkalyq jáne emotsıonaldy zorlyq-zombylyq kórsetiletinin málimdedi.
«Balalar zorlyq-zombylyq jaǵdaılary, onyń ishinde shashtan tartyp, ıterip, pedagogterdiń daýys kóteretinin aıtty» delinedi postta.
Almaty oblysy ákimdiginiń baspasóz qyzmeti oqıǵanyń Talǵar qalasynda ornalasqan «Kosmo» mektebinde bolǵanyn habarlady.
Mekteptiń bilim berýge eshqandaı lıtsenzııasy joq ekeni belgili boldy.
Qazirgi ýaqytta mektepte 81 bala oqıdy, 24 muǵalim jumys isteıdi.
Almaty oblysynyń polıtsııa departamenti atalǵan derek boıynsha polıtsııa qyzmetkerleri men jedel-tergeý toby oqıǵa ornyna barǵanyn habarlady.
Qazirgi ýaqytta Talǵar polıtsııasy QR QK 140-baby 2-bóligi boıynsha is qozǵaǵan.
Posmotret etý pýblıkatsııý v Instagram
«Almaty oblysy polıtsııa departamenti bastyǵynyń jeke nusqaýymen oqıǵanyń mán-jaıyn tolyq anyqtaý, jan-jaqtylyǵy men obektıvtiligin qamtamasyz etý úshin tıisti sharalar júrip jatyr. Ózge aqparat qosymsha habarlanady» dep habarlady polıtsııa.
