Almaty oblysynda bala saýdalady degen kúdikpen 38 jastaǵy Qyzylorda oblysynyń turǵyny ustaldy
ALMATY. KAZINFORM - Almaty oblysy Polıtsııa departamentiniń bastyǵy Baýrjan Álenov óziniń Facebook jelisindegi paraqshasynda bala saýdasymen aınalysqan kúdikti ustalǵanyn habarlady.
Oblystyq polıtsııa departamenti bastyǵynyń aıtýynsha, 25 tamyzda áleýmettik jelide kámeletke tolmaǵandar men jańa týǵan sábılerdi zańdy túrde asyrap alýǵa kómektesetin top týraly jedel aqparat túsken.
- 28 tamyzda osy jedel-izdestirý is-sharalary barysynda iske kúdikti 38 jastaǵy Qyzylorda oblysynyń týmasy ustaldy. Kámeletke tolmaǵandardy satý deregi boıynsha qylmystyq is qozǵaldy. Kúdikti qamaýǵa alyndy. Qazirgi ýaqytta barlyq qajetti tergeý sharalary júrgizilip jatyr, - dep jazdy polıtsııa bastyǵy.
Eske salaıyq, Almatyda kópqabatty úıdiń avtoturaǵynda eki kólik órtendi.