Almaty oblysynda áınekten aspaly kópir salynady
QONAEV. KAZINFORM – Almaty oblysyndaǵy Qara shatqalǵa uzyndyǵy 170 metrlik áınek kópir salynady.
1, 5 mlrd teńgeni quraıtyn joba 2025 - 2026 jyldary júzege asady dep kútilip otyr.
«ASK Capital» jaýapkershiligi shekteýli seriktestigi qara shatqal týrıstik aımaǵyna aspaly kópir salýdy josparlaýda. Jobanyń quny – 1,5 mlrd teńge. 50 jańa jumys orny qurylady. Jobany iske asyrý kezeńi – 2025 - 2026 jyldary», - dep habarlady oblys ákimdiginen.
Budan bólek, týrıstik aımaqty damytý úshin Qara shatqalǵa elektr jelisin júrgizýge 87,0 mln teńge bólindi. Qazirgi kezde «Qara shatqal» JShS-gi 400,0 mln teńge ınvestıttsııa tartyldy.
Osy jyldyń 9 aıynda Kólsaı men Qaıyńdyǵa 400 myńǵa jýyq týrıst at basyn burǵan. Olardyń basym bóligi Qara shatqaldy tamashalaýǵa kelgen.
Osyǵan deıin Qazaqstan 2025 jyly saıahattaýǵa tıis úzdik elderdiń tizimine engeni týraly jazǵan edik.
