Almaty oblysynda avtosalonnan kólik urlaǵan qylmystyq top ustaldy

QONAEV. KAZINFORM — Almaty oblysy Talǵar aýdany polıtsııa basqarmasynyń qyzmetkerleri oblys aýmaǵynda uıymdasa qylmys jasaǵan kúdiktilerdi ustady. 

Oblystyq polıtsııa departamentiniń málimetinshe, aldyn ala kelisip bir top adam Talǵar aýdany Besaǵash aýylynda ornalasqan avtosalonnan Changan CS55 Plus avtokóligin urlap, menshik ıesine asa iri kólemde materıaldyq shyǵyn keltirgen.

— Jedel-izdestirý sharalary barysynda qylmyskerlerdiń áreketi Jedel basqarý ortalyǵynyń beınebaqylaý kameralary arqyly anyqtalyp, olardyń qozǵalys baǵyty belgilendi. Nátıjesinde kúdiktiler ustalyp, qamaýǵa alyndy — dep habarlady departamentten.

Qazirgi ýaqytta atalǵan derek boıynsha sotqa deıingi tergeý amaldary júrgizilip jatyr. Tergeý barysynda urlanǵan avtokólik Túrkistan oblysy Jetisaı qalasynyń aýmaǵynan tabyldy.

Eske salaıyq, Almatyda kameralar jol erejesin buzýdyń jańa túrlerin tirkeı bastaıdy.