Almaty oblysynda avtobýs jaıaý júrginshini qaǵyp, mert qyldy

ALMATY. KAZINFORM - Almaty-Jandosov-Besmoınaq avtojolynda jol apatynan bir adam mert boldy.

Almaty oblysy Polıtsııa departamentiniń málimetinshe, 15 qańtar kúni keshki ýaqytta №212 avtobýs Almaty-Jandosov-Besmoınaq avtojolynyń 25 shaqyrymynda 42 jastaǵy jaıaý júrginshini qaǵyp ketken. Jol-kólik oqıǵasy azamat joldyń belgilenbegen jerinen júgirip ótip bara jatqanda bolǵan.

- Jol-kólik oqıǵasy saldarynan jaıaý júrginshi alǵan jaraqattarynan aýdandyq aýrýhanada kóz jumdy. Jol-kólik oqıǵasy boıynsha tergeý júrgizilip jatyr, - dep habarlady oblystyq PD baspasóz qyzmeti.

Eske salaıyq, buǵan deıin «Almaty-Óskemen» avtojolynda áskerı tehnıka jol apatyna ushyraǵanyn jazǵan edik.