Almaty oblysynda avtobýs pen júk kóligi soqtyǵysyp, bir adam mert boldy
ALMATY. KAZINFORM – «Almaty-Shelek-Qorǵas» avtojolynyń 222 shaqyrymynda jol-kólik oqıǵasy boldy.
Aldyn ala boljam boıynsha, avtobýs júrgizýshisi araqashyqtyqty saqtamaı, Mercedes Benz júk kóligimen soqtyǵysýǵa jol bergen.
«Jol apaty saldarynan aldyńǵy orynda otyrǵan ekinshi júrgizýshi oqıǵa ornynda kóz jumdy. On bir jolaýshy túrli jaraqat aldy. Olardyń bireýi aýrýhanaǵa jatqyzylyp, qalǵandary ambýlatorııalyq emdelýge jiberildi. Avtobýs júrgizýshisi ustalyp, ýaqytsha ustaý ızolıatoryna qamaldy. Oqıǵanyń mán-jaıy anyqtalyp jatyr», – dep habarlady Almaty oblysynyń Polıtsııa departamentinen.
Aıta keteıik, buǵan deıin Almaty oblysynda 40 shaqty týrıst mingen avtobýs apatqa ushyraǵanyn jazǵanbyz. Sondaı-aq týrıstik avtobýsty basqarǵan júrgizýshisi kýáliginen aıyrylǵan kólik quralyn basqarǵany úshin qamaýǵa alynǵanyn jazǵan edik.
