Almaty oblysynda avtobýs pen ÝAZ kóligi soqtyǵysyp, bir adam qaza tapty

Almaty oblysy Kegen aýdany Saty aýyly aýmaǵynda jol apaty boldy. Saldarynan bir adam qaza taýyp, alty adam túrli dene jaraqatyn aldy, dep habarlaıdy QazAqparat tilshisi.

Almaty oblystyq Polıtsııa departamentiniń málimetinshe, jol apaty 5 qazan kúni saǵat 14:40 shamasynda Kegen aýdany Saty aýyly aýmaǵynda, «Qaıyńdy-Saty» taýly avtojolynyń 9 -shy shaqyrymynda 47 jastaǵy avtobýs júrgizýshisi qarsy qozǵalys jolaǵyna shyǵyp, 1997 jylǵy júrgizýshiniń basqarýyndaǵy «ÝAZ» avtokóligimen betpe-bet soqtyǵysqan.

Atalǵan derek QR QK 345-babynyń 3-bóliminde kózdelgen qylmystyq quqyq buzýshylyq belgileri boıynsha Kegen aýdany polıtsııa basqarmasynda tirkeldi.

«Jol apaty saldarynan 36 jastaǵy jolaýshy oqıǵa ornynda kóz jumdy. Sonymen qatar, túrli dene jaraqattarymen aýrýhanaǵa 6 adam jetkizildi. Qazirgi ýaqytta barlyq mán-jaılaryn obektıvti zertteýge baǵyttalǵan saraptama taǵaıyndaýmen qajetti tergeý áreketteri júrgizilýde. Avtobýs júrgizýshisi Kegen aýdany polıtsııa basqarmasynyń ýaqytsha ustaý ızolıatoryna qamaqqa alyndy. Іsti tergeý barysyn men baqylaýǵa aldym»,- dep jazdy Almaty oblystyq Polıtsııa departamentiniń basshysy Baýyrjan Álenov.