Almaty oblysynda avtobýs pen kólik soqtyǵyp, bir adam mert boldy

ASTANA. KAZINFORM – Almaty oblysynda jol-kólik oqıǵasynan bir adam mert boldy.

Oblystyq polıtsııa departamentiniń málimetinshe, jol apaty Almaty – Vınsovhoz – Chapaı avtojolynyń 15-shaqyrymynda bolǵan. Chevrolet Nexia avtokóligin basqarǵan 24 jastaǵy júrgizýshi rýldi ıgere almaı, qarsy baǵytqa shyǵyp ketip, aldymen avtobýspen, keıin Chery Tiggo avtokóligimen soqtyǵysqan.

- Jol-kólik oqıǵasy saldarynan Chevrolet Nexia júrgizýshisi alǵan jaraqattarynan oqıǵa ornynda kóz jumdy. Onyń eki jolaýshysy, sondaı-aq Chery Tiggo avtokóliginiń júrgizýshisi ártúrli dene jaraqattarymen medıtsınalyq mekemege jetkizildi, - dep habarlady departamentten.

Polıtsııa bul derek boıynsha qylmystyq is qozǵady. Qazir bolǵan oqıǵanyń barlyq mán-jaıyn anyqtaýǵa baǵyttalǵan sotqa deıingi tergeý júrgizilip jatyr.

Eske salaıyq, buǵan deıin Astanadaǵy jol apatynan eki adam qaza tapty.