Almaty oblysynda avtobýs órtenip ketti
Almaty oblysynda elektr symdarynyń qysqa tuıyqtalýynan jolaýshylar avtobýsy janyp ketti, dep habarlaıdy Kazinform.
Onyń vıdeosy áleýmettik jelide tarady.
Posmotret etý pýblıkatsııý v Instagram
Oblystyq tótenshe jaǵdaılar departamenti baspasóz qyzmetiniń málimetinshe, oqıǵa 17 qarasha kúni saǵat 16:29-da bolǵan.
«Almaty oblysy TJD kezekshi bólimine Іle aýdany Baıserke aýylynda jolaýshylar avtobýsynyń janǵany týraly habarlama kelip tústi. Oqıǵa ornyna dereý órt sóndirý brıgadasy jiberildi», - dep atap ótti vedomstvodan.
Órttiń aldyn-ala sebebi - qozǵaltqysh bóligindegi elektr symdarynyń qysqa tuıyqtalýy.
«Órt jarty saǵatta tolyq sóndirildi. Abyroı bolǵanda qurbandar men zardap shekkender joq. Qyzyl jalyndy aýyzdyqtaýǵa TJD 3 qyzmetkeri men 1 tehnıkasy jumyldyryldy»,- dep qosty departamentten.
