Almaty oblysynda aýyldasynyń bir úıir jylqysyn urlaǵan er adam ustaldy

QONAEV. KAZINFORM – Jambyl aýdanynyń polıtseıleri Aqseńgir aýylynyń turǵynynan jaıylymnan 14 bas jylqy urlady degen kúdiktini ustady.

Keltirilgen jalpy shyǵyn kólemi 12 mln teńge.

«7 qarasha kúni 39 jastaǵy jergilikti turǵyn 14 bas jylqynyń joǵalyp ketkeni týraly shaǵym túsirdi. Atalǵan derek boıynsha qylmystyq is qozǵalyp, jedel-izdestirý is-sharalary uıymdastyryldy», – dep atap ótti Jambyl aýdandyq polıtsııa bóliminiń bastyǵy Ashat Danııar.

Jedel-izdestirý is-sharalary nátıjesinde polıtsııa qyzmetkerleri «izin sýytpaı» kúdiktiniń kim ekenin anyqtady, ol jábirlenýshiniń aýyldasy bolyp shyqty.

«Kúdikti urlanǵan maldardy satyp úlgergen. Qazirgi ýaqytta jábirlenýshige jylqylardyń jartysy qaıtaryldy, al urlanǵan maldy satyp alýshyǵa qatysty tekserý júrgizilip jatyr», – dep tolyqtyrdy A.Danııar.

Kúdiktige qatysty sot «qamaýda ustaý» sharasyn belgiledi. Polıtsııa er adamnyń basqa osyǵan uqsas qylmystarǵa qatysy bar-joǵyn tekserip jatyr.

Osyǵan deıin Almaty oblysynda habar-osharsyz ketken 51 jastaǵy er adamnyń máıiti tabylǵany týraly jazǵan edik.