Almaty oblysynda aýdan ákimdikteriniń birin prokýratýra tekserip jatyr

QONAEV. KAZINFORM – Almaty oblysy Qarasaı aýdanynyń ákimdigi prokýratýra nazaryna ilikti.

Kazinform saýalyna jaýap bergen Qarasaı aýdanynyń prokýrory Jánibek Jakaev oblys prokýratýrasynyń tapsyrmasy negizinde Qarasaı aýdany ákimi apparatynyń qyzmetine qatysty tekserý is-sharalary júrgizilip jatqanyn rastady. 

– Tekserý jer qatynastary salasynda zańdylyqtyń saqtalý máselesi boıynsha júrgizilýde jáne atalǵan tekserýge oblys prokýratýrasynyń tapsyrmasy negiz boldy. Osy rette Qarasaı aýdany ákiminiń apparatyna qatysty tekserýdiń aıaqtalmaýyna baılanysty, anyqtalǵan zań buzýshylyqtar boıynsha aldyn ala aqparatty usyný múmkin emes, - delingen Jánibek Jakaev jaýabynda.

Buǵan deıin Májilis depýtaty Baqytjan Bazarbek Qarasaı aýdanynyń ákimdigine qatysty tekserý bastalǵanyn aıtqan edi. 

Eske salaıyq, Kazinform agenttiginiń BIZDIÑ ORTA podkastynda QR Bas Prokýrorynyń orynbasary Jandos Ómirálıev Qazaqstandaǵy qylmys deńgeıi týraly aıtty.