Almaty oblysynda aýdan ákimi jaýapqa tartyldy
Almaty oblysynyń Sybaılas jemqorlyqqa qarsy qyzmeti Eńbekshiqazaq aýdany ákimin sybaılas jemqorlyqqa qarsy zańnamany buzǵany úshin jaýapkershilikke tartty, dep habarlaıdy Kazinform.
Monıtorıng barysynda ákimniń aktıvter men mindettemeler týraly deklaratsııalardy usynbaǵan úmitkerdi qyzmetke alǵany anyqtaldy.
«Saldarynan aýdan ákimi QR ÁQBtK-niń 680-baby («Memlekettik organdar basshylarynyń sybaılas jemqorlyqqa qarsy is-qımyl jónindegi sharalardy qabyldamaýy») boıynsha ákimshilik jaýapkershilikke tartyldy»,- dep habarlady QR Sybaılas jemqorlyqqa qarsy is-qımyl agenttiginiń Almaty oblysy boıynsha departamentiniń baspasóz qyzmeti.
Atalǵan tulǵaǵa qatysty ákimshilik hattama toltyryldy.
Іsti qaraý barysynda ákim kinásin tolyq moıyndady. Nátıjesinde ákimge 50 MRP (172 500 teńge) kóleminde aıyppul salyndy.
