Almaty oblysynda aýa raıyna baılanysty taǵy bir jol jabyldy

ALMATY. KAZINFORM — QazAvtoJol Almaty oblysyndaǵy taǵy bir baǵytta kólik qozǵalysyna shekteý qoıylǵanyn habarlady. 

— 2025 jylǵy 9 jeltoqsan saǵat 06:00–de Almaty oblysynda aýa raıynyń nasharlaýyna (qalyń tuman, kórinýdiń shektelýi) baılanysty «Almaty–Taldykorǵan–Óskemen–Shemonaıha–RF shekarasy» avtojolynyń 25–67 shaqyrymdary (AAP-Qonaev qalasy) aralyǵynda barlyq kólik túrleri úshin qozǵalysqa shekteý engizildi, — delingen habarlamada.

Joldy 2025 jylǵy 9 jeltoqsan saǵat 11:00-de ashý josparlanǵan.

Aıta keteıik, qosymsha aqparatty táýlik boıy 1403 baılanys ortalyǵynan alýǵa bolady.

Buǵan deıin oblystyń Qansheńgel aýylynan Aqsaı aýylyna deıingi aralyǵy jabylǵanyn habarlaǵan bolatynbyz.