Almaty oblysynda aýa raıyna baılanysty birneshe jol jabyldy

ASTANA. KAZINFORM –  QazAvtoJol kompanııasy Almaty oblysynda aýa raıyna baılanysty birneshe jol jabylǵanyn eskertti.

19 qańtar saǵat 20:00–de Almaty oblysy boıynsha aýa raıynyń buzylýyna baılanysty «Almaty-Kókpek-Kóktal-Qorǵas» avtojolynyń 100-254 shaqyrym aralyǵynda (Tesken aýylynan Jetisý oblysynyń shekarasyna deıin) kóliktiń barlyq túriniń qoǵalysyna shekteý qoıylady 

Sonymen qatar 20:30–da osy avtojoldyń 65-100 shaqyrym aralyǵynda (Eńbek aýylynan Tesken aýylyna deıin) kóliktiń barlyq túriniń qoǵalysyna shekteý qoıylady.

Al saǵat 22:00–de Almaty oblysy boıynsha aýa raıynyń buzylýyna baılanysty «Almaty-Óskemen» tasjolynyń 25-67 shaqyrymy aralyǵy - PVP termınal-Qonaev qalasy ýchaskesinde kóliktiń barlyq túriniń qoǵalysyna shekteý qoıylady.

Joldardy 20 qańtar kúni saǵat 8:00–de ashý josparlanǵan.

Jol júrýshilerge 1403 baılanys ortalyǵyna habarlasyp, táýlik boıy qosymsha aqparat alýǵa bolady.

Aıta keteıik, QazAvtoJol 2025 jyly jóndeýden ótetin respýblıkalyq joldardy atady.