Almaty oblysynda atys boldy: polıtsııa kúdiktilerdi izdep jatyr

QONAEV. KAZINFORM – Qonaev qalasynda túngi ýaqytta qarýly qaqtyǵys bolǵan. Bul týraly málimet áleýmettik jelide tarady. 

Jelidegi málimet boıynsha, oqıǵa saldarynan zardap shekken 2000 jáne 2003 jylǵy jigitter aýrýhanaǵa jatqyzylyp, 2003 jylǵy azamat reanımatsııa bóliminde jan tapsyrǵan.

Almaty oblysynyń Polıtsııa departamenti atalǵan jaǵdaıǵa baılanysty qylmystyq is qozǵalǵanyn habarlady.

«Bul derek boıynsha qylmystyq is qozǵaldy. Qazirgi ýaqytta kúdiktilerdi ustaýǵa baǵyttalǵan qajetti is-sharalar júrgizilip jatyr. Atalǵan fakti boıynsha tergeý oblystyq departament basshylyǵynyń erekshe baqylaýynda», - dep habarlady oblystyq PD.

Eske salaıyq, buǵan deıin Almatyda kólik aǵashqa soǵylyp, tórt jas jigit mert bolǵanyn jazǵan edik.