Almaty oblysynda atys boldy

ALMATY. KAZINFORM – Almaty oblysynyń Talǵar aýdanynda atys boldy. Bul týraly málimet áleýmettik jelige tarady.

Almaty oblysynyń Polıtsııa departamenti atalǵan jaǵdaıǵa baılanysty qylmystyq is qozǵalǵanyn habarlady.

– Qabyldanǵan sharalar nátıjesinde oqıǵaǵa qatysýshylardyń bári anyqtaldy. Aýrýhanaǵa jetkizilgen tórt kúdiktini polıtsııa kúzetip tur. Bir aıyptalýshy ýaqytsha ustaý ızolıatoryna qamaldy, – dep túsindirdi Almaty oblysy polıtsııa departamentiniń baspasóz qyzmeti.

Vedomstvodan izdestirý sharalary júrgizilip jatqanyn atap ótti.  

Eske salaıyq, byltyr jazda Qonaev qalasynda túnde atys bolyp, oqıǵa saldarynan zardap shekken 2000 jáne 2003 jylǵy jigitter aýrýhanaǵa jatqyzylyp, 2003 jylǵy azamat reanımatsııa bóliminde jan tapsyrǵan edi.

Keıin kisi óltirý isi boıynsha alty aıyptalýshy 17 jyldan 19 jylǵa deıin bas bostandyǵynan aıyryldy.