Almaty oblysynda sarbazdy aspanǵa oq atyp qarsy alǵandar ustaldy
QONAEV. KAZINFORM — Almaty oblysynda áskerden oralǵan jigitti tapanshadan oq atyp qarsy aldy.
Onyń vıdeosy áleýmettik jelide paıda boldy.
Kadrdan sarbazdy týystary kútip alǵanyn kórýge bolady. Bir kezde janyndaǵy eki er adam aspanǵa oq atady. Almaty oblystyq polıtsııa departamentiniń málimetinshe, bul jaǵdaı Qarasaı aýdany Kóksaı aýylynda bolǵan.
«Áleýmettik jelilerde júrgizilgen monıtorıng barysynda 30 sáýir kúni Qarasaı aýdanynyń Kóksaı aýylynda oq atqan buzaqylyq áreket faktisi anyqtaldy. Tártip saqshylary 21 jáne 23 jastaǵy eki jigitti ustap, aýdandyq polıtsııa basqarmasyna jetkizdi», - dep habarlady departamenten.
Qarýlar tıisti saraptamaǵa joldandy.
«Atys qarýyn qoldanǵan buzaqylyq faktisi boıynsha qylmystyq is qozǵaldy. Eki jas jigit ýaqytsha ustaý ızolıatoryna qamaldy. Tergeý júrgizilip jatyr», - dep atap ótti vedomstvodan.
