Almaty oblysynda arnaıy operatsııa kezinde esirtki zerthanasy joıyldy

Almaty oblysynda arnaıy operatsııa kezinde esirtki zerthanasy joıyldy, – dep habarlaıdy Polisia.kz.

17 aqpanda jedel-izdestirý is-sharalaryn ótkizý barysynda Almaty oblysy Polıtsııa departamenti Esirtki qylmysyna qarsy is-qımyl basqarmasynyń qyzmetkerleri Іle aýdany PB qyzmetkerlerimen birlesip Qosózen aýylynyń aýmaǵynda sıntetıkalyq esirtki óndiretin zerthanany anyqtady.

Atalǵan derek boıynsha esirtki quraldaryn zańsyz daıyndaý áreketi boıynsha sotqa deıingi tergeý bastaldy. Arnaıy operatsııa kezinde 33 jastaǵy jergilikti turǵyn ustalyp, ýaqytsha ustaý oqshaýlaǵyshyna qamaldy. Turǵyn úı-jaılaryn tintý nátıjesinde aq tústi, erekshe ıisi bar untaq zaty bar polıetılen paket tabylyp, tárkilendi.

Saraptamalyq tekserýlerdiń nátıjesi boıynsha alynǵan zattyń jalpy salmaǵy 3 keli 840 gramm bolatyn mefedron esirtkisi bolyp shyqty. Osylaısha polıtseıler qara naryqta quny shamamen 100 mıllıon teńge bolatyn esirtkiniń 1500 bir rettik dozasyn taratýǵa jol bermedi.

Sonymen qatar qyryq dana shyny ydys, hımııalyq suıyqtyǵy bar jeti kanıstr jáne esirtki daıyndaýǵa arnalǵan basqa da qurylǵylar tárkilendi.