Almaty oblysynda ardagerlerge 2 mln teńgeden beriledi

QONAEV. KAZINFORM - Uly Jeńis kúnine 79 jyl tolýyna oraı Almaty oblysyndaǵy jeti ardagerge 2 mln teńgeden qarjy bólinip, azyq-túlik sebeti beriledi.

Almaty oblysy ákimdiginiń málimetinshe sonymen qatar tyldaǵy eńbegi men qyzmeti úshin KSRO-nyń orden-medaldarymen marapattalǵan adamdarǵa, jaýyngerlerge, qorshaýdaǵy Lenıngrad jumyskerlerine, kontslagerlerdiń kámeletke tolmaǵan tutqyndaryna, radıatsııalyq apattar men ıadrolyq synaqtardyń qurbandary, sondaı-aq, soǵys múgedekterine 10-nan 50-ge deıingi aılyq eseptik kórsetkish mólsherinde tólemaqy tólenedi.

«Bul rette Ekinshi dúnıejúzi soǵysy jaýyngerleriniń qurmetine qoıylǵan eskertkishter nazardan tys qalmady. Oblysta Uly Otan soǵysynyń 138 eskertkishi bolsa, onyń ishinde 99 eskertkishti ákteý jáne syrlaý jumystary júrgizilgen. Bul áreket rýh birligin nyǵaıtyp, ata-babalarymyzdy jadyda saqtaýǵa múmkindik beredi», — dep habarlady oblys ákimdiginiń baspasóz qyzmeti.

Aıta keteıik, Almaty oblysynda 1191 tarıhı jáne mádenı eskertkish bar, onyń 961-i — arheologııalyq, 230-y — qala qurylysy jáne sáýlet eskertkishteri.