Almaty oblysynda anasy úshin janjal shyǵaryp, kisi pyshaqtaǵan adam sottaldy

QONAEV. KAZINFORM - Almaty oblysynyń Eńbekshiqazaq aýdandyq sotynda densaýlyqqa qasaqana aýyr zııan keltirdi degen aıyp taǵylyp otyrǵan adamǵa qatysty qylmystyq is qaraldy.

Sot málimetine sáıkes, 2023 jyldyń jeltoqsan aıynda sottalýshy óz úıinde bógde bireýlerdiń daýysynan oıanyp, dálizge shyqqan. Onda ol anasynyń tanysymen (jábirlenýshi) daýlasyp jatqanyn kórgen. Sottalýshy men jábirlenýshi arasynda aýyzsha janjal bastalyp, tóbeleske sońy aınalǵan. Ony aınalasyndaǵylar toqtatqan.

Oqıǵadan keıin jábirlenýshi syrtqa shyǵyp, úıine qaraı bet alǵan, biraq sottalýshy ony qýyp jetip, basynan qatty doǵal zatpen urǵan. Odan jábirlenýshi qulap túsken. Sodan keıin sottalýshy ony as úıden aldyn ala alyp shyqqan pyshaǵymen arqasyna eki ret uryp, ony eki ret tepken. Jábirlenýshi keıinirek aýyr dene jaraqatymen aýrýhanaǵa jansaqtaý bólimine jetkizilgen.

- Sot sottalýshyny QK-niń 106-baby 1-bóligi boıynsha kináli dep tanylyp, qylmystyń aýyrlyǵyn, jeńildetetin jáne aýyrlatatyn mán-jaılardy, qoǵamdyq qaýiptilik dárejesin eskere otyryp, ony 3 jylǵa bas bostandyǵynan aıyrýǵa úkim shyǵardy, - dep habarlady Almaty oblysy Eńbekshiqazaq aýdandyq sotynyń baspasóz qyzmeti.

Úkim zańdy kúshine engen joq.

Eske salaıyq, buǵan deıin Almaty oblysynda Instagram arqyly zańsyz lotereıa uıymdastyrǵan azamat jazalanǵanyn jazǵanbyz.