Almaty oblysynda anasy men balasy ózenge aǵyp ketti
ALMATY. KAZINFORM – Almaty oblysynda qutqarýshylar izdeý jumystaryn júrgizip jatyr.
Almaty oblysy TJD málimetinshe, 1981 jylǵy áıel men onyń 2015 jylǵy balasy Talǵar ózeniniń jaǵasyna barǵan. Demalys kezinde olar sýǵa qulap, aǵys alyp ketken. 22 maýsym kúni saǵat 15:55-te Talǵar aýdany Іle-Alataý memlekettik ulttyq tabıǵı parkiniń aýmaǵyndaǵy Maralsaı shatqalynda qutqarý-izdeý jumystary bastalǵan.
- Saǵat 18:35-de Respýblıkalyq jedel- qutqarý jasaǵynyń qutqarýshylary sýdan áıeldiń máıitin shyǵardy. Ózen jaǵasynda balany izdeý jumystary áli júrip jatyr. Іzdestirý-qutqarý operatsııasyna shamamen 110 qyzmetker jáne 20-dan astam tehnıka tartylǵan, - dep habarlady oblystyq TJD.
Eske salaıyq, buǵan deıin Aqtóbe oblysynda qudyqqa qulaǵan qyz ben ony qutqarmaq bolǵan er adam qaza tapty.