Almaty oblysynda alty polıtseı para alǵany úshin sottaldy

Qarasaı aýdandyq soty Almaty oblysy jol-patrýldik polıtsııa batalonynyń 6 qyzmetkerine jáne basqa da adamdarǵa qatysty úkim shyǵardy, dep habarlaıdy Kazinform.

Almaty oblysynyń sybaılas jemqorlyqqa qarsy qyzmeti málim etkendeı, olar kólik júrgizýshilerin ákimshilik jaýapkershilikke tartpaǵany úshin para alǵanyna kináli dep tanyldy.

«Laýazymdy tulǵalarǵa 58,8 mıllıon teńge aıyppul salyndy. Dál osy úkim boıynsha para berýshilerge jalpy somasy 3,85 mıllıon teńge aıyppul salyndy. Barlyq sottalǵandar ómir boıy memlekettik qyzmette qyzmet atqarý quqyǵynan aıyryldy», - dep habarlady vedomstvannyń baspasóz qyzmeti.

Qylmystyq kodekstiń 41-babyna sáıkes aıyppul belgilengen merzimde tólenbese jaza sharasy bas bostandyǵynan aıyrýǵa aýystyrylady.

Sot úkimi zańdy kúshine engen joq.