Almaty oblysynda álimjettik jasaǵan jasóspirimder ústinen is qozǵaldy

QONAEV. KAZINFORM - Álimjettikpen aınalysqan jasóspirimderdiń beınejazbasy áleýmettik jelide tarady. Almaty oblysynyń Polıtsııa departamenti atalǵan fakti boıynsha qylmystyq is qozǵady.

Beınejazbadan jasóspirimniń ózimen jasty balanyń qolynan aǵashpen urǵanyn jáne betinen judyryqpen uryp, qulatqanyn kórýge bolady. Jelidegi málimet boıynsha oqıǵa Almaty oblysy Talǵar aýdanynda bolǵan.

- Densaýlyqqa qasaqana jeńil zııan keltirý faktisi boıynsha polıtsııamen qylmystyq is qozǵaldy. Qazirgi ýaqytta is boıynsha barlyq mán-jaılaryn zertteýde tolyqtyǵyn, jan-jaqtylyǵyn jáne obektıvtiligin qamtamasyz etýge baǵyttalǵan barlyq qajetti tergeý áreketteri júrgizilip jatyr, - dep habarlady oblystyq PD.

Eske salaıyq, buǵan deıin Almatyda jas jigitke álimjettik jasaǵan kúdikti ustalǵanyn jazǵanbyz.