Almaty oblysynda alkogolsiz sýsyndar shyǵaratyn zaýyt salý josparlanyp otyr

ASTANA. KAZINFORM – QR Premer-mınıstriniń birinshi orynbasary Roman Sklıar Danııa Koroldiginiń Reseı Federatsııasyndaǵy, Qazaqstan Respýblıkasyndaǵy jáne Túrikmenstandaǵy tótenshe jáne ókiletti elshisi qyzmetin (qosa atqarýshy) Iesper Varmen kezdesý ótkizdi. Bul týraly Úkimettiń baspasóz qyzmeti habarlady.

Kezdesý barysynda taraptar Almaty oblysynda alkogolsiz sýsyndar shyǵaratyn zaýyt salý jónindegi ınvestıtsııalyq jobany iske asyrýdy talqylandy.

Qazaqstanda qýaty jylyna 340 mln lıtr sýsyn, jalpy quny $250 mln-nan astam, 500 jumys ornyn ashý kózdelgen alkogolsiz sýsyndar shyǵaratyn zaýyt salý boıynsha Carlsberg Group pen PepsiCo kompanııasynyń birlesken jańa jobasyn iske asyrý josparlanyp otyr.

Danııa Koroldiginiń Tótenshe jáne ókiletti elshisi I.Var joǵary tehnologııalyq óndiristik keshendi qurý aýyl sharýashylyǵy ónimderiniń qosylǵan qunyn edáýir arttyrýǵa, ilespe salalardyń damýyn yntalandyrýǵa, otandyq taýar óndirýshiler úshin turaqty ótkizý naryǵyn ashýǵa, sondaı-aq elimizdiń eksporttyq áleýetin nyǵaıtýǵa múmkindik beretinine sendirdi.

Aıta keteıik, Almatyda 1 shilde kúni týrısterge arnalǵan jańa qosymsha iske qosylady.