Almaty oblysynda alımentke 2,7 mln qaryz azamat qamaýǵa alyndy
QONAEV. KAZINFORM - Almaty oblysynda Balqash aýdandyq sotynyń sheshimimen alıment tóleýden jaltarǵan azamat ákimshilik qamaýǵa alyndy.
Sot málimetine sáıkes, 2023 jyly sot sheshimimen azamat T. burynǵy jubaıynyń paıdasyna úsh ortaq kámeletke tolmaǵan balalarynyń asyraýyna alıment tóleýge mindetti bolǵan. Alaıda, T. bul sot sheshimin oryndamaǵan jáne sonyń saldarynan 2,7 mıllıon teńge kóleminde bereshek paıda bolǵan.
Almaty oblysynyń Balqash aýdandyq sotynda sot sheshiminde kózdelgen mindettemelerdi oryndamaý faktisi boıynsha ákimshilik quqyq buzýshylyq týraly is qozǵaldy.
- QR ÁQBtK 669-baby 1-bóliginiń sanktsııasy jeke tulǵalarǵa 5 AEK mólsherinde aıyppul nemese 5 táýlikke deıingi merzimge ákimshilik qamaqqa alý túrinde jaza kózdeıdi. Sot qaýlysymen azamat T. QR ÁQBtK-niń 669-baby 1-bóliginde kózdelgen ákimshilik quqyq buzýshylyq jasaǵany úshin kináli dep tanyldy jáne oǵan 3 táýlik merzimge ákimshilik qamaqqa alý túrindegi jaza taǵaıyndaldy, - dep habarlady Balqash aýdandyq sotynyń baspasóz qyzmeti.
Sot sheshimi zańdy kúshine endi.
Eske salaıyq, buǵan deıin Almaty turǵyny sapasyz jıhaz satqan kompanııadan 1,1 mln óndirip alǵanyn jazǵanbyz.
