Almaty oblysynda aktsızdeletin ónimderdiń zańsyz aınalymyna tosqaýyl qoıyldy
TALDYQORǴAN. KAZINFORM - Memlekettik kirister departamenti jyl basynan beri oblys aýmaǵynda ótkizilgen reıdter nátıjesinde 168 myń lıtr alkogol tárkilegen. Bul ótken jylmen salystyrǵanda 14,5 paıyzǵa joǵary.
Almaty oblysy boıynsha Memlekettik kirister departamenti usynǵan málimetke súıensek, aktsızdeletin ónimderdiń kóleńkeli aınalymyn boldyrmaý maqsatynda reıdtik jumystar atqarylǵan. Nátıjesinde 1 jyl ishinde 12 mln dana temeki , 168 myń lıtr alkogol ónimderi jáne 198 tonnadan astam munaı ónimderi tárkilendi. Bul zańsyz áreketter boıynsha QR ákimshilik quqyq buzýshylyq kodeksine sáıkes sharalar qoldanylyp, qujattar sotqa joldandy. Nátıjesinde 51 mln teńgeden astam aıyppul óndirildi.
- Máselen, bıyl mamyr aıynda Іle aýdany aýmaǵynda eki kólikpen temeki ónimderin zańsyz tasymaldaý faktisi anyqtaldy. Ekonomıkalyq tergeý departamentimen birlesken tekserýde jalpy quny 150 mln teńge bolatyn, sáıkestendirý quraldary joq 195 myńnan astam qorap temeki tárkilendi. Bul ónimderden tólenbegen aktsız somasy 62 mln teńge. Sondaı-aq, Qaztsık aýylynda spırtti ónimderdi zańsyz tasymaldaý faktisi tirkeldi. Reıd barysynda kólikten jalpy quny 1,5 mln teńgege baǵalanǵan 2790 lıtr spırtti suıyqtyq tabyldy, - dedi Almaty oblysy boıynsha Memlekettik kirister departamenti aktsızderdi ákimshilendirý bólimi basshysy Aıgerim Almabaı.
Eske salaıyq, buǵan deıin shekaradan quny 87 mln teńge temekini zańsyz alyp ótpek bolǵandardyń ustalǵanyn jazǵanbyz.