Almaty oblysynda Aqsaı ózeni tasýynan sý jelisi zaqymdandy

Qarasaı aýdany ákimdiginiń málimetinshe, keıingi kúnderi jaýǵan jaýyn-shashynnyń mólsherden tys túsýine baılanysty Aqsaı ózeni arnasynan shyqty. Ony qaıta óz arnasyna burý jáne qalpyna keltirý baǵytyndaǵy jumystar kezinde tehnıkalyq ahýaldar týyndaǵan.

Atap aıtqanda, qalpyna keltirý jumystary barysynda osy tustaǵy sý jelisiniń zaqymdaný deregi tirkelgen. Saldarynan Jańaturmys aýylynyń turǵyndaryna sý berý toqtaǵan.

— Týyndaǵan apattyq jaǵdaıdy shuǵyl túrde qalpyna keltirý maqsatynda Qarasaı aýdany ákimdiginiń «Taýsymaly Qyzmet» mekesiniń mamandary men apattyq toby tolyq quramda jumyldyryldy. Jańaturmys aýylynyń turǵyndaryn sýmen qamtamasyz etý júıesin retke keltirý jumystary túngi táýlikte de toqtaýsyz júrgizildi, — dep habarlady aýdan ákimdigi.

Eske salaıyq, keshe Jańaturmys aýylyndaǵy «Karer Aksaı» JShS aýmaǵynda Aqsaı ózeni arnasy tabanynyń shaıylýy saldarynan karerdiń soltústik-batys bóliginde topyraq opyryldy.

Keıin Almaty oblysynyń Qarasaı aýdanynda jergilikti aýqymdaǵy tótenshe jaǵdaı jarııalandy.